Թող մեր սիրելի Հրազդանը շարունակի զարգանալ, պահպանել իր յուրահատուկ դիմագիծը և դառնալ ավելի լավ վայր յուրաքանչյուրիս համար
· Հրազդան
Հրազդանի համայնքապետարանը գրում է.
Սիրելի՛ հրազդանցիներ,
Սրտանց շնորհավորում ենք ձեզ մեր սիրելի քաղաքի հիմնադրման 67-րդ տարեդարձի կապակցությամբ։
Հրազդանը մեզ համար պարզապես քաղաք չէ․ այն մեր տունն է, մեր պատմությունը, մեր հիշողություններն ու ապագայի հանդեպ ունեցած մեր հավատը։
Այսօր Հրազդանը նոր շունչ է ստանում` շարունակաբար զարգացող ենթակառուցվածքներով, բարեկարգվող միջավայրով, նոր ծրագրերով և նախաձեռնություններով։
Քաղաքում իրականացվող մեծածավալ աշխատանքները միտված են ստեղծելու ավելի հարմարավետ, անվտանգ և ժամանակակից պայմաններ յուրաքանչյուր հրազդանցու համար։
Մենք շարունակելու ենք հետևողական աշխատանքը՝ ուղղված քաղաքի հետագա զարգացմանը, նոր հնարավորությունների ստեղծմանը, կրթական, մշակութային և սպորտային կյանքի աշխուժացմանը։
Համոզված ենք, որ մեր քաղաքի ամենամեծ արժեքը նրա բնակիչներն են՝ իրենց նվիրվածությամբ, աշխատասիրությամբ և Հրազդանի նկատմամբ ունեցած սիրով։
Այս գեղեցիկ օրվա առթիվ մաղթում ենք բոլոր հրազդանցիներին քաջառողջություն, ընտանեկան երջանկություն, խաղաղություն և բարեկեցություն։
Թող մեր սիրելի Հրազդանը շարունակի զարգանալ, պահպանել իր յուրահատուկ դիմագիծը և դառնալ ավելի լավ վայր յուրաքանչյուրիս համար։
Շնորհավոր տոնդ, սիրելի՛ Հրազդան։
Շնորհավոր քաղաքի տարեդարձը, սիրելի՛ հրազդանցիներ