Հրդեհ՝ Կոտայքի մարզի Նուռնուս բնակավայրում
Մայիսի 15-ին, արտակարգ դեպք է տեղի ունեցել Կոտայքի մարզում։ Ժամը 15:25-ի սահմաններում ՀՀ ՆԳՆ ոստիկանության պարեկային ծառայության Կոտայքի մարզի գումարտակում օպերատիվ տեղեկություններ են ստացվել, որ Նուռնուս բնակավայրում գտնվող ամառանոցային տներից մեկում կրակ և ծուխ է նկատվում։
Ինչպես հայտնում է ֆոտոլրագրող Գագիկ Շամշյանը, օպերատիվորեն ժամանել են Երևանի հրշեջ-փրկարարական ջոկատներից երկու մարտական հաշվարկ։
Ժամանել են նաև ՀՀ ՆԳՆ ոստիկանության պարեկային ծառայության Կոտայքի մարզի գումարտակի պարեկները՝ գումարտակի հրամանատար Ալբերտ Մարտիրոսյանի, գումարտակի ծառայության ավագ տեսուչ, օրվա պատասխանատու Արտակ Ասատրյանի և գումարտակի ծառայության տեսուչ Կառլեն Բաղյանի գլխավորությամբ։
Պարզվել է, որ հրդեհը բռնկվել է Այգեգործների թաղամասում գտնվող տներից մեկի տանիքում։ Այրվել է տան տանիքի մոտ 70 քմ տարածքը և կենցաղային իրեր։
Ըստ նախնական տեղեկությունների՝ բարեբախտաբար տուժածներ չկան։
